Euro 2012, dera e hapur për Di Natalen dhe Tottin

Trajneri i Italisë, Cesare Prandelli, ka thënë se Antonio Di Natale dhe Francesco Totti do të merren në konsideratë për Kampionatin Evropian të futbollit- Euro 2012, ndërsa ka shpresuar që t’i ketë në dispozicion edhe Antonio Cassanon dhe Giuseppe Rossin.
Di Natale e Totti mbeten figura kryesore në klubet e tyre respektive, Udinese dhe Roma, ndërsa ka pasur zëra se ata mund të ftohen sërish në kombëtare.

“Dera është e hapur për të gjithë”, ka thënë Prandelli për Sky Sport24.

Në fazën grupore të Euro 2012, Italia do të ketë punë me kampionin në fuqi, Spanjën, pastaj Irlandën dhe Kroacinë.

Category: Futboll