Allegri: Ta harrojmë Barcën

Trajneri i Milanit, Massimiliano Allegri, u ka bërë thirrje lojtarëve të tij që të mos mendojnë për eliminimin nga Liga e Kampionëve dhe të fokusohen në sfidën ndaj Fiorentinës.
“Ne duhet ta harrojmë eliminimin nga Liga e Kampionëve. Ne duhet të mendojmë për pikët dhe fitoret në ndeshjet e ardhshme, duke filluar nga Fiorentina, që nuk do të jetë ndeshje e lehtë”.

“Ne ndjejmë se duhet të bëjmë ashtu sikur vitin e kaluar, kur e kemi pasur prapa Interin dhe Napolin për dy pikë. Ne duhet të mbesim të qetë, kemi 64 pikë dhe askush nuk na i ka dhuruar. Do të jetë betejë e madhe deri në fund dhe ne kemi obligim, që edhe pa fitoret kokë më kokë ndaj Juventusit, ta fitojmë titullin”, është shprehur Allegri.

Category: Futboll