Chelsea rrëshqet në fund

Skuadra e Chelseat ka dështuar të shënojë fitore përballë Fulhamit në Craven Cottage edhe pse pati avantazh deri në dhjetë minutat e fundit të ndeshjes.
Në fund të pjesës së parë (45’), pas një ndërhyrjeje të Murphyt në Salomon Kalou, arbitri akordoi penalti. Nga pika e bardhë ishte i saktë Frank Lampard duke shënuar golin e 150-të në Ligën Premier, një shifër mbresëlënëse për një mesfushor.

Mirëpo, Blutë nuk arritën ta ruajnë avantazhin deri në fund të ndeshjes, pasi Clint Dempsey shënoi për t’i barazuar shifrat (82’).

Ky barazim e lë Chelsean në pozitën e gjashtë në tabelë me dy pikë më pak se pozita e katërt, të cilën e mban Tottenhami.

Category: Futboll