Pedro: Barca do ta eliminojë Milanin

Barcelona do ta mposhtë Milanin në ndeshjen kthyese çerekfinale të Ligës së Kampionëve dhe do të kualifikohet në gjysmëfinale. Kështu mendon sulmuesi katalunas, Pedro Rodriguez.
Skuadrat luajtën pa gola në takimin e parë në San Siro, ndërsa Pedrito është optimist se skuadra e tij do të jetë në katër të fundit.

“Të gjithë besojmë se mund të vazhdojmë tutje. Milani ka lojtarë të shkëlqyer dhe padyshim se nuk do të na i lehtësojë gjërat”.

“Sido që të jetë, ne jemi të bindur se mund të bëjmë një paraqitje të mirë me ndihmën e tifozëve tanë”, citon EFE fjalët e spanjollit.

Category: Futboll