Përfundon sezoni për Paton

Milani ka konfirmuar me anë të shefit të stafit mjekësor, Jean-Pierre Meersseman, se sulmuesi Alexandre Pato do të jetë jashtë fushave për pjesën e mbetur të sezonit për shkak të një dëmtimi muskulor.
“Sezoni i Patos ka mbaruar. Nuk e dimë se ku është problemi i tij. Si mund ta zgjidhim problemin? Ne e kemi dërguar në çdo vend të botës, nga Gjermania deri në Amerikë. Shumë mjekë e kanë kontrolluar”.

“Unë nuk kam fjetur asnjë minut. Kur e pash në televizor se ai ndjente dhimbje, unë jam ndjerë shumë keq. Unë nuk e prisja që kjo të ndodhë. Pato ishte deklaruar i gatshëm, por u vërejt se lëndimi nuk u largua tërësisht”, ka thënë Meerseman.

Nga ana tjetër Milani në faqen zyrtare ka konfirmuar se Pato brenda dy javësh do t’u nënshtrohet testeve për të evidentuar problemet.

Category: Futboll