Redknapp: Tash ta ruajmë pozitën e katërt

Menaxheri i Tottenhamit, Harry Redknapp, thotë se ata tash po luftojnë për pozitën e katërt pas disfatës befasuese nga Norwich City.
“Ne nuk kemi qenë në formë të keqe në disa javët e kaluar, por sot ishte një hap prapa. Ne kishim një ditë të keqe”.

“Ende ka për t’u luajtur. Do të jetë një garë e ngushtë, por ka edhe pesë ndeshje të mbetura. Do të jetë skuadra e cila e do atë më së shumti”.

“Ne do të pranonim të përfundojmë të katërt, futbolli në Ligën e Kampionëve është kyç. Do të më pëlqente të përfundoj mbi Arsenalin, por do të jetë vështirë tash”.

“Ende mund të ndodhë gjithçka – Chelsea duhet të luajë ndaj Arsenalit, Newcastle të luajë ndaj Chelseat. Chelsea duhet të luajë në udhëtim te Liverpooli, andaj kush e di?”, ka thënë Redknapp.

Category: Futboll