Rossi dhjetë muaj jashtë fushe

Sulmuesi i Villarrealit, Giuseppe Rossi, ka nevojë për një tjetër ndërhyrje kirurgjike në gjunjë, që do të thotë se ai nuk do të mund të luajë në dhjetë muajt e ardhshëm.
Gjatë prillit italiani e ka dëmtuar ligamentin e përparmë për të dytën herë për më pak se një muaj dhe fillimisht u mendua se ai do të mungonte vetëm gjashtë muaj, por tash është thënë se mungesa e tij do të jetë më e gjatë.

Kjo do të thotë se Rossi nuk do ta përfaqësojë Italinë në Kampionatin e ardhshëm Evropian dhe nuk do të mund të transferohet në ndonjë skuadër italiane, ashtu siç ishte pritur.

Category: Futboll