Stramaccioni: Pak fjalë, më shumë vepra

Trajneri i ri i Interit, Andrea Stramaccioni, u ka bërë thirrje lojtarëve të tij që të fillojnë mbarë të dielën me një fitore ndaj Genoas, pasi tashmë është tepruar me fjalë dhe se ka ardhur koha për veprime.
“Ka pasur shumë fjalë, shumë premtime, tani duhet të përgjigjemi në fushë. Unë jam dhe ndihem trajner i Interit dhe çfarë dua t’u them fansave është se kanë dëgjuar shumë fjalë dhe tani duhet të shohin se si luan Interi i vërtetë”.

“Veprat janë më të rëndësishme se fjalët. Kjo është ajo që unë dua dhe ajo që lojtarët duan. Ata janë profesionistë të jashtëzakonshëm dhe janë të përkushtuar. Nga e diela, ne do të bëjmë gjithçka për t’ua kthyer kënaqësinë tifozëve”, ka deklaruar Stramacioni para takimit ndaj Genoas.

Category: Futboll