Torres: Chelsea e dëshiron top-katërshin

Sulmuesi spanjoll, Fernando Torres, dëshiron që Chelsea ta sigurojë pozitën e katërt në tabelën e Ligës Premier, para dy finaleve të mëdha (në Kupën FA dhe në Ligën e Kampionëve).

Pas fitores prej 6-1 ndaj QPR, ku Torres shënoi het-trik, Blutë janë vetëm një pikë larg pozitës së katërt, të cilën e mban Tottenhami.

“Ka qenë një javë shumë e vështirë për ne dhe shumë e rëndësishme gjithashtu – fitorja ndaj Barcelonës dhe finalja e Ligës së Kampionëve, por ne e dinim se duam të përfundojmë në vend të katërt për ta siguruar pozitën për sezonin e ardhshëm (në Ligën e Kampionëve)”, ka thënë Torres për Sky Sports.

Category: Futboll