Zola të marrë drejtimin e Lazios

Gianfranco Zola do ta zë vendin e trajnerit të Lazios, Edy Reja, i cili pritet të shkarkohet në fund të sezonit aktual- shkruan Corriere dello Sport.
Biancocelestët mbajnë pozitën e tretë në tabelë, mirëpo kanë pasur probleme në javët e fundit duke humbur tri nga katër ndeshjet e fundit në Serie A dhe përballen me konkurrencë të fuqishme nga Napoli dhe Udinese për pozitën që dërgon në Ligën e Kampionëve.

Reja tentoi të jepte dorëheqje nga posti i tij më herët, mirëpo presidenti Claudio Lotito e refuzoi vendimit e tij.

Mirëpo, Lotito nuk është i kënaqur me paraqitjet e fundit të skuadrës dhe pritet ta shkarkojë trajnerin aktual, ndërsa flitet se Zola do ta drejtojë Lazion në sezonin e ri.

Category: Futboll