E ardhmja e Gasol me Lakersat, e pasigurt

Pau Gasol ka vënë në pikëpyetje të ardhmen e tij me Los Angeles Lakers pas një bisede me menaxherin gjeneral, Mitch Kupchak, pas eliminimit të skuadrës nga playoffi i NBA-së.

Lakersat u mposhtën në gjysmëfinalet e Konferencës Perëndimore nga Oklahoma City Thunder, pas një serie jo të qëndrueshme të ndeshjeve kur Gasol u akuzua nga bashkëlojtari i tij Kobe Bryant se nuk luan me mjaft agresivitet.

“Do të doja të kisha qartësime, por ata nuk mund të më japin për momentin. Mendoj se menaxhmenti ende duhet të bisedojë me pronarët për të parë se në cilin drejtim do të shkojë skuadra vitin e ardhshëm. Ne vërtet nuk kemi folur shumë për të ardhmen”.

“Ne biseduam për këtë vit, si shkuan gjërat. Gjithçka ishte vërtet pozitive dhe inkurajuese për potencialin tonë për sezonin e ardhshëm”, ka thënë spanjolli.

Category: Basketboll