Podolski i kënaqur me transferimin te Arsenali

Sulmuesi i Kolnit, Lukas Podolski, është i ngazëllyer që do të veshë fanellën e Arsenalit sezonin e ardhshëm.

“Jam shumë i lumtur që do t’i bashkohem Arsenalit dhe që do të luajë në Ligën Premier. Arsenali është një prej top klubeve në Evropë, me një histori të madhe. Ka shumë lojtarë të kualitetit të lartë te Arsenali dhe stili i futbollit të cilin e luan ekipi është fantastik”.

“Unë jam krenar që do të jem lojtar i Arsenalit dhe mezi pres të bëj ndeshjen time të parë në Emirates Stadium dhe të jap më të mirën për të gjithë tifozët e Arsenalit”.

“Lëvizja te Arsenali është një rast i shkëlqyeshëm për mua për të fituar përvojë në garat ndërkombëtare te një top klub evropian”.

“E kam marrë vendimit jo kundër Kolnit, por për këtë shans të madh dhe është mirë për zhvillimin tim personal. Ky nuk ishte një vendim i lehtë për mua, pasi Kolni, tifozët dhe qyteti ka një kuptim të veçantë për mua. Gjithmonë do ta kem Kolnin në zemër”, ka thënë Podolski.

Category: Futboll