Stramacconi: E ardhmja ime tashmë është vendosur

Trajneri i përkohshëm i Interit, Andrea Stramaccioni, beson se e ardhmja e tij me klubin tashmë është vendosur, pavarësisht nëse klubi do të luajë ose jo në Ligën e Kampionëve.

Të mërkurën Stramaccioni shijoi disfatën e parë në krye të Interit duke u mposhtur nga Parma, disfatë që la Interi tre pikë prapa rivalëve tjerë për vendin e tretë, Napolit dhe Udineses.

Për më tepër, Interi ka edhe një ndeshje të vështirë këtë vikend kur përballet me rivalin lokal, Milanin. Por Stramaccioni ndjehet i sigurt në punën që bën.

“[Pavarësisht rezultatit të së dielës], mendoj se fati im tashmë është shkruar. Moratti është i lirë të zgjedhë siç dëshiron, por mendoj se unë po ashtu kam ide të qarta [për të ardhmen time]”, ka thënë Stramaccioni.

Category: Futboll