Heat marrin avantazhin

Dominimi i Miami Heat nga vija e gjuajtje të lira ka qenë i mjaftueshëm për të fundosur Oklahoma City Thunder në ndeshjen e tretë finale të NBA-së.

Heat fituan për të dytën herë radhazi ndaj Thunder, kësaj here me rezultat 91-85 duke marrë edhe avantazhin 2-1 në serinë e ndeshjeve finale

Skuadra vendase shënoi 31 pikë nga vija e gjuajtjeve të lira, derisa rivalët vetëm gjysmën e këtyre pikëve, 15.

LeBron James, i cili shënoi 29 pikë në ndeshje, ishte i saktë në njërin prej dy gjuajtjeve të lira me 16.2 sekonda të mbetura, për të çuar në katër pikë avantazhin e Miamit. James shënoi 11 nga 23 tentimet nga loja e hapur.

Dwayne Wade kontribuoi me 24 pikë, derisa Chris Bosh me 10 pikë.

Kevin Durant, i cili luajti me pesë faulle në katër minutat e fundit, udhëhoqi te Oklahoma City me 25 pikë, ndërsa Russell Westbrook shënoi 19 të tjera.

Ndeshja e katërt mes dy rivalëve zhvillohet të martën po në Miami.

Category: Basketboll