Lahm: Kemi kualitet

Philipp Lahm thotë se Gjermania ka shumë kualitet dhe ka porositur bashkëlojtarët të tregojnë se çfarë janë në gjendje të bëjnë në Euro 2012.

Gjermanët mbrëmë mposhtën Izraelin me rezultat 2-0, që ishte ndeshja e fundit miqësore për ta para fillimit të kampionatit evropian.

“Ne kemi një kualitet senzacional në ekip, tash vetëm duhet ta tregojmë atë. Ne kemi bërë disa kombinime të mira. Jo gjithmonë gjërat shkojnë në mënyrë të përkryer, që është arsyeja se pse fitorja ishte e rëndësishme”.

“Fakti që jo gjithçka funksionoi në miqësore është gjë normale, pasi ne nuk kemi luajtur së bashku për dy javë”.

“Ne kemi treguar në disa vitet e fundit se mund ta bëjmë këtë, dhe është e rëndësishme që ne të dalim në fushë duke treguar vlerat në ndeshjen tonë të parë”, ka deklaruar Lahm.

Category: Euro 2012