Liga Premier: Orari i ndeshjeve për sezonin e ri

Kampioni i Ligës Premier, Manchester City, do ta fillojë mbrojtjen e titullit në sezonin e ri përballë ekipi të porsa-promovuar në kategorinë elite të futbollit anglez, Southampton.

Derisa ekipi i Roberto Mancinit do të luajë me Southampton në Etihad Stadium, nënkampioni Manchester United do të udhëtojë në fushë të Evertonit. Pozita e tretë e tabelës, Arsenali, në ndeshjen e rundit të parë do ta presë Sunderlandin në Emirates stadium.

Fituesi i Ligës së Kampionëve, Chelsea, do të udhëtojë te Wigani në ndeshjen e parë, ndërsa dy ish-ekipet e menaxherit të Anglisë, Roy Hodgson, West Brom dhe Liveprool, do të përballen në Hawthorns në ndeshjen debutuese të Brendan Rodgers në stolin e Redsave.

Tottenhami do të përballet me Newcastle, derisa Michael Laudrup do të debutojë si menaxher i Swanse kundër QPR.

Ndeshjet e javës së parë në Ligën Premier:

Arsenal v Sunderland
Everton v Manchester United
Fulham v Norwich City
Manchester City v Southampton
Newcastle United v Tottenham Hotspur
Queens Park Rangers v Swansea City
Reading v Stoke City
West Bromwich Albion v Liverpool
West Ham United v Aston Villa
Wigan Athletic v Chelsea.

Category: Futboll