Galliani konfirmon ofertën për Yanga-Mbiwa

Zëvëndëspresidenti i Milanit, Adriano Galliani, ka konfirmuar se Milani ka bërë ofertë për qendërmbrojtësin e Montpellier, Mapou Yanga-Mbiwa.

Rossonerët janë në treg për një mbrojtës klasi të qendrës, pas largimit të Thiago Silvas drejt PSG-së dhe duket se në Francë janë ende objektivat e Rossonerëve.

“Ne kemi bërë një ofertë dhe do të udhëtojmë së shpejti drejt Montpellierit. Të shohim çfarë do të ndodhë. Në pyetje janë të hollat”, ka theksuar Galliani.

Besohet se Milani tashmë ka marrëveshjen me mbrojtësin për një kontratë pesëvjeçare me pagë prej 1.5 milionë euro në sezon.

Category: Futboll