“Kaka ka për t’i dhënë shumë Milanit”

Legjenda e Milanit, Alessandro Costacurta, beson se mesfushori i Real Madridit, Kaka, do të kishte pasur impakt të jashtëzakonshëm në rast të rikthimit në San Siro.

“Unë do të kisha preferuar nëse Milani investon në lojtarë të rinj. Sidoqoftë, Kaka është Kaka. Ai është ende lojtar i madh. Ai është kampion që ka për t’i dhënë edhe shumë futbollit”.

“Le të shpresojmë se Kaka rikthehet te Milani dhe që ai të jetë në gjendje që të na kënaqë. Kaka nuk ka luajtur që një kohë, kështu që do të ishte mirë për të që të kthehej. Do të ishte mirë kjo edhe për tifozët e Milanit, të cilët janë në shok pas shitjes së Silvës dhe Ibrës”, ka deklaruar Costacurta.

Category: Futboll