Ribery: Bayerni më i mirë se Barca dhe Reali

Franck Ribery ka deklaruar se ai beson se Bayern Munich është një skuadër më e mirë se Real Madridi dhe Barcelona.

Anësori 29-vjeçar është shndërruar në një lojtar kyç në Allianz Arena që kur iu bashkua klubit nga Bundesliga nga Olympique Marseille në vitin 2007 për 25 milionë euro.

Paraqitjet e tij joshën interesimin e Real Madridit në verën e vitit 2009, por klubi gjerman refuzoi të gjitha ofertat për lojtarin. Dhe, Ribery tash thotë se ai nuk pendohet që nuk është larguar.

“Ka pasur kohë kur jam joshur nga Barcelona dhe Real Madridi. Por kjo është e kaluar. Bayern është në të njëjtin nivel si Barca dhe Reali, dhe mendoj se nëse shikoni pakon komplete, Bayerni madje është edhe më i mirë”, ka thënë Ribery për Bild.

Category: Futboll