Xavi: Luajtëm mirë

Mesfushori i Barcelonës, Xavi Hernandez ka thënë se klubi i tij pavarësisht humbjes ndaj Real Madridit, ka mbajtur posedimin e topit dhe ka luajtur mjaftë mirë, duke marrë parasysh se ishte me një lojtar më pak në fushë.

“Që nga fillimi ne kemi pasur disa lajme të këqija, me Dani Alvesin. Sidoqoftë, këtu nuk ka arsye. Ne filluam keq duke pranuar dy gola, dhe më pas kartoni i kuq i Adrianos. Madridi duhet të urohet”.

“Ne luajtëm një ndeshje shumë të mirë. Ne pranuam dy gola dhe kishim dy lojtar më pak. Ne e humbëm këtë titull, por të tjerat janë më të rëndësishme”, tha Xavi.