Atletico zbulon ofertat për Falcaon

Drejtori i Atletico Madridit, Miguel Angel Gil Marin, ka zbuluar se Chelsea dhe Manchester City kanë dështuar me ofertat e tyre për sulmuesin Radamel Falcao.

Gil Marin thotë se klubi spanjoll është krenar që do ta ketë sulmuesin kolumbian në skuadër për këtë sezon, pas shumë ofertave joshëse për të.

“Vetëm shikoni se çfarë ndodhi këtë verë. Përpos Athletic Bilbaos dhe neve të gjithë është dashur të shesin lojtarë për të shpëtuar nga bankrotimi. Një klub francez (PSG), një klub rus (Anzhi) dhe dy klube angleze (City dhe Chelsea) bënë oferta për Falcaon dhe ai qëndroi duke parë rrezikun tonë për të përmbushur kërkesat e tij për pagë”, ka theksuar Gil Marin.

Category: Futboll