City nuk ia ka frikën askujt
Manchester City nuk shqetësohet nga kundërshtarët në fazën grupore të Ligës së Kampionëve – thotë Edin Dzeko.
Kampioni i Ligës Premier gjendet në Grupin D së bashku me Real Madridin, Borussia Dortmundin dhe Ajaxin, por boshnjaku është i bindur se ekipi i tij mund të progredojë nga grupi.
“Ishim në grupin e vdekjes në sezonin e kaluar dhe tash jemi sërish në të”.
“Grupi do të jetë i shkëlqyer për t’u shikuar, por jo aq i mirë për të luajtur në të. Mirëpo, ne e dimë se çfarë aftësish kemi dhe nuk i frikësohemi askujt”.
“Besoj se do të jetë një garë e ngushtë dhe do të jetë interesante të shohim se kush do të kualifikohet në raundin tjetër”, ka thënë Dzeko për SportSport.
Category: Futboll
0 Komente