Mexes, përgjithmonë te Milani

Philippe Mexes ka thënë se nuk ka dashur të largohet nga Milani gjatë verës dhe se dëshiron të luftojë për vend në ekipin e trajnerit Massimiliano Allegri.

Mbrojtësi francez u lidh me një largim nga San Siro këtë verë me Arsenalin që ishte në mesin e klubeve që kishte shprehur interesim për të.

“Gjëja më e rëndësishme për mua është të jem këtu te Milani. Nuk ishte vera më e mirë për mua, edhe pse lindja e vajzës time solli ca buzëqeshje në fytyrën time”.

“Nuk ishte e lehtë të jesh këtu duke u stërvitur dy herë në ditë dhe duke dëgjuar të gjitha ato spekulime të tregut të transferimeve. Kurrë nuk kam kërkuar të largohem nga klubi. Tash jam kthyer dhe dua t’i tregoj tifozëve se jam këtu për të qëndruar”.

“Kurrë nuk kam menduar të largohem nga Milani. E tashmja dhe e ardhmja ime qëndrojnë këtu”, ka thënë 30-vjeçari francez.

Category: Futboll