Messi: Ishte vështirë ndaj Kilit

Golat nga Messi dhe Gonzalo Higuain ndihmuan ekipin e trajnerit Alejandro Sabella të shënojë fitore 2-1 për të ruajtur vendin e parë në tabelën kualifikuese.

“Ne e dinim se do të jetë një ndeshje e vështirë pasi Kili duhej të fitonte. Ne shënuam kur duhej, por pastaj humbëm kontrollin dhe vuajtëm ca. E rëndësishme është që i nxorëm të tre pikët në një vend shumë të vështirë”.

“Këto kualifikime për Kupën e Botës janë shumë të ngjeshura dhe shumë të vështira. Ne jemi të ngazëllyer pasi mposhtëm dy ekipe të shkëlqyeshme si Uruguai dhe Kili. Ne do të kthehemi në mars dhe do të vazhdojmë të fitojmë”, ka thënë Messi.