“Kështu luante Milani” (VIDEO)

Ndeshjen e hapi Urby Emanuelson në minutën e 16-të, ndërsa ky ishte goli i parë sezonal për holandezin në Serie A.

Mirëpo, vetëm pas dy minutash Sergio Pellissier i heshti përkohësisht tifozët vendas, me golin që rezultoi i nderit për mysafirët.

Një aksion të bukur të Rossonerëve e përfundoi me gol Riccardo Montolivo, për ta kthyer avantazhin e vendasve (37’).

Pa përfunduar pjesa e parë (41’), Milani shënoi edhe një herë. Ishte ky goli i parë për Bojan Krkic.

Në gjysmën e dytë i erdhi radha sulmuesit më efektiv të kuqezinjve, Stephan El Shaarawy, i cili shënoi golin e tetë personal në Serie A këtë edicion (75’).

Në minutat shtesë (90’+2), Giampaolo Pazzini e vendosi rezultatin përfundimtar të takimit.

Pas 11 javësh, Milani numëron 14 pikë, aq sa kanë Roma dhe Cagliari me nga një ndeshje më pak të zhvilluar. /Telegrafi/