Man City nuk e kërkon Suarezin

Manchester City ka mohuar spekulimet se është duke përgatitur ofertë për transferimin e sulmuesit të Liverpoolit, Luis Suarez pas rihapjes së afatit kalimtar në janar.

Një zyrtar i klubit deklaroi për Manchester Evening News se nuk janë të vërteta njoftimet se menaxheri i Cityt, Roberto Mancini dëshiron të sjell uruguaianin në skuadrën e tij.

Ditë më parë Daily Express kishte raportuar se kampioni i Premierligës kërkon Suarezin për të përforcuar edhe më tepër repartin sulmues që aktualisht përbëhet nga Sergio Aguero, Carlos Tevez, Edin Dzeko dhe Mario Balotelli. /Dukagjini.com