Milani po përmirësohet

Trajneri i Milanit, Massimiliano Allegri, ka deklaruar se skuadra e tij ka filluar të përmirësohet sa u përket paraqitjeve në fushë, ndërkaq i ka paralajmëruar lojtarët e tij që të kenë kujdes në ndeshjen e ardhshme kundër Sampdorias.

“Jemi të zhgënjyer që u rrëzuam nga Kupa e Italisë, por në Torino ne pamë një Milan që po përmirësohet sa u përket paraqitjeve në fushë. Gjithsesi, ne duhet të përmirësohemi në taktikat e lojës”.

“Sampdoria është e përgatitur mirë fizikisht dhe fitorja si mysafir ndaj Juventusit me një lojtar më pak nuk ishte aspak e lehtë. Ata kanë dy sulmues të mirë dhe janë shumë të organizuar. Palombo u ka sjellë më shumë teknikë në qendër”.

“Nesër (e diel) ne duhet të luajmë më mirë se që luajtëm të mërkurën, e në veçanti për arsyen se Sampdoria ka pasur kohë tërë javën për t’u përgatitur”, ka thënë Allegri.