Mungesa në “Topin e Artë”, Mourinho gënjeu, ja çfarë bëri!
Ndërsa gjithë bota e futbollit i ktheu sytë nga salla e ceremonisë së mbremjes gala për Topin e Artë që u zhvillua në Zyrih, një prej personazheve kryesorë të këtij sporti, ai që me idetë e tij revolucionare ka shkëputur një copë futbolli të vjetër duke e zëvendësuar me projekte ambicioze, kundër të gjithëve dhe kundër gjithçkaje, snoboi madje edhe bashkëpunëtoprët e tij, duke preferuar stërvitjen e djalit të tij dhe jo praninë mes më të mirëve.
Gazeta “AS” këtë herë nuk përdor fjalorin e tërthortë, por e godet direkt e në “zëmer” me kryetitullin “Mourinho Mashtroi”. Sipas të përditshmes, pranë kampit “merengues”, ndërsa Florentino Perez, Casillas, Cristiano Ronaldo, Xabi Alonso e Marcelo përfaqësuan klubin, trajneri luzitan preferoi stërvitjen e djalit Canillas.
“Të Shtunën ai tha se do të mungonte në ceremoni sepse do të punonte me skuadrën për ndeshjen e Kupës së Mbretit ndaj Celta Vigos, por e vërteta është se Mou na mashtroi qartësisht”, shkruan mes të tjerash gazeta spanjolle.
“AS” publikon gjithashtu edhe foton që tregon praninë e Mourinhos në kompleksin Valdebebas ku djali i tij po zhvillonte një stërvitje me skuadrën zinxhir të Realit të Madridit. I shoqëruar nga dy truproja, rreth orës 19:45, Mourinho u shfaq në shkallët e kompleksit, madje në humor të mirë. Ai qëndroi në stërvitje për rreth 60 minuta, duke mos preferuar të ndjekë momentet kur Del Bosque dhe Messi u nderuan me çmime.
Kjo nuk është hera e parë që Mou eviton ceremoninë e Topit të Artë sepse një gjë të tillë e bëri edhe vitin e shkuar kur nuk preferoi të udhëtonte drejt Zyrihut, duke e justifikuar vendimin me përgatitjet që duhej të kryente në prag të ndeshjes Real Madrid-Malaga, madje në atë rast ai tha se ishte një mëkat që nuk do të merrte pjesë në ceremoni për të përshëndetur fituesit.
Në fund të shkrimit, “AS” thekson se qëndrimi i Mourinhos shton një tjetër episod në sagën e gjatë të krizës institucionale që ka mbërthyer klubin sepse Perez e konsideron si të papranueshëm këtë qëndrim. Është kjo pika që derdhi gotën? Këtë do ta mësojmë shumë shpejt...
Category: Futboll
