Një gol me dorë kualifikon Liverpulin në Kupën FA

Liverpuli është kualifikuar në turin e katërt të Kupës FA, ndonëse për të siguruar fitoren 2-1 përballë Mansfild i është dashur ndihma e problematikut Suarez që ka shkaktuar polemikën e radhës për të kuqtë.

Ndeshja filloi mjaft mirë për ekipin e Brendan Roxhers, me sulmuesin Starrixh që debutoi me gol në ndeshjen e tij të parë pas transferimit nga radhët e Çelsit, duke gjetur rrjetën që në minutën e 7-të. Por kur Mansfild po mundohej të gjente golin e barazimit, Liverpuli dyfishoi rezultatin me golin e Suarez, i cili ndali topin me dorë dhe pastaj shënoi qetësisht duke dërguar topin në rrjetë, me gjyqtarët që nuk panë në mënyrë të pabesueshme prekjen e tij. Goli i Grin në minutën e 80-të bëri që takimi të ishte më i ethshëm në minutat e fundit, por gjithsesi Liverpuli arriti të ruante këtë fitore të vyer.

Në ndeshjen tjetër të luajtur sot, Arsenali është ndalur në barazim 2-2 në fushën e Suonsit dhe do të duhet të përsëritë ndeshjen në fushën e vet për të përcaktuar se cila nga këto dy skuadra do të kalojë në turin tjetër të aktivitetit. I zakonshmi Miçu shënoi golin e avantazhit për Suonsin në minutën e 58-të, por Podolski e Gibs shënuan kur kishin mbetur pak minuta deri në fundin e ndeshjes, duke bërë të mendohej se skuadra e Venger do të kalonte në turin e katërt. Megjithatë, një gol i Graham në minutën e 87-të vulosi barazimin që detyron ripërsëritjen e ndeshjes në fushën e “topçinjve”, sipas rregullores së aktivitetit më të vjetër futbollistik në Angli. (LajmeShqip.com)

Kupa FA

Turi i tretë / Rezultatet

Suonsi-Arsenal            2-2

58’ Miçu, 87’ Graham / 81’ Podolski, 83’ Gibs

Mansfild-Liverpul         1-2

80’ Grin / 7’ Starrixh, 59’ Suarez

Shorti i raundit të katërt

Noruiç-Luton

Oldham-Liverpul

Maklesfild-Uigan/Bornimauth

Derbi-Bllekbërn

Hall/Leiton Orient-Barnsli

Midëllsbrou-Aldershot

Milluoll-Aston Vila

Lids/Birmingem-Totenhem

Brajton-Suonsi/Arsenal

Kristal Palas/Stouk-Mançester Siti

Uest Hem/Mançester Junajtid-Fullhem/Bllekpul

Sauthend/Brentford-Çelsi

Riding-Shefilld Junajitd

Hadërsfild-Leicester

QPR/Uest Bromuiç-Shefilld Uednsdi/MK Dons

Bolton/Sandërlend-Çeltenhem/Everton