Ronaldo: Jam i lumtur në Madrid

Unknown | Monday, January 14, 2013 |

Cristiano Ronaldo qartëson gjithçka për sa i përket qëndrimit të tij te Real Madrid. Lideri i skuadrës së Jose Mourinhos vendos të qartësojë të ardhmen e tij. “Do të respektoj kontratën që kam deri në vitin 2015. Nuk e di se çfarë do të ndodhë në të ardhmen por në Madrid jam i lumtur sepse shijoj çdo ndeshje. 

 E di mirë se sa më fat jam që luaj për këtë skuadër”. Në vijim të intervistës dhënë për FIFA-n, numri 7 del në krah të bashkëkombasit Mourinho, duke ashpërsuar tonin. “Tifozët e kontestojnë dhe i respektojmë për këtë por unë mendoj se duhet të jenë më të duruar. 

 Personalisht e kam shumë të qartë se Mourinho do më të mirën për klubin dhe unë do të luftoj deri në vdekje për ta mbrojtur. Në opinionin tim, Jose është trajneri më i mirë në botë sepse ka fituar gjithçka aty ku ka punuar”.

Category:

Ju pelqen artikulli shperndaje me shoke!