Heinze: Mund të kthehem te PSG

Mbrojtësi i Real Madridit, Gabriel Heinze, ka thënë se një ditë ai mund të kthehet te ish-skuadra e tij Paris Saint-Germain, nëse ata e dëshirojnë.
Është spekuluar kinse Heinze, i cili ka edhe dy vite kontratë me Mbretërit, ka kontaktuar me drejtuesit e PSG-së për një kalim të mundshëm, mirëpo pavarësisht se ka mohuar këto spekulime, argjentinasi ka thënë se do të kthehej te skuadra e tij e dikurshme po të kërkohej. “Nuk kam kontaktuar me asnjë zyrtar të PSG-së. Mua më pëlqen ajo skuadër dhe një ditë do të më pëlqente të luaja sërish për PSG-në, do të më pëlqente t’i takoja sërish ata tifozë’, ka thënë Heinze, i cili ka kaluar tre vite te PSG para se t’i bashkëngjitej Manchester Unitedit në vitin 2004.

Category: Futboll