Lazio mposht Romën me rezultat 4-2

Edhe një dridhje në Itali, kësaj here në stadiumin Olimpico, ku Lazio ka dalë të jetë fituesi i derbit romak, pasi mposhti Romën në një ndeshje mjaft emocionuese, që solli plot gjashtë gola, 4-2, dhe tre kartonë të kuq.
Nuk kaluar as edhe dy minuta lojë dhe argjentinasi Mauro Zarate shkaktoi një ‘tërmet’ tjetër në stadium duke shënuar një gol të mrekullueshëm për të dyfishuar epërsinë për vendasit.Por nuk zgjati aq shumë dhe shpresat u rikthyen për gialorosët, që ngushtuan rezultatin me golin e Philippe Mexes në minutën e dhjetë të ndeshjes. Roma ishte më dominuese dhe tentoi të barazoi gjatë pjesës së parë të mbetur, por nuk arriti të çajë portën e Musleras.
Lazio filloi shkëlqyeshëm në sulm edhe pjesën e dytë të ndeshjes, me portierin Doni që mbrojti një tentim të Goran Pandev, por nuk arriti të mbrojë një goditje me kokë të Lichtsteiner, që doli të ishte më i larti në mesin e tre lojtarëve të Romës (58’).Po ky lojtar ishte meritor që Roma mbeti me dhjetë lojtarë në lojë, pasi faulimi i Panuccit ndaj tij i kushtoi me përjashtim këtij të fundit (62’). Roma pësoi edhe një goditje tjetër kur Mexes po ashtu u përjashtua nga loja duke lënë ekipin me nëntë lojtar, por edhe Lazio në anën tjetër mbeti me dhjetë lojtar për shkak të përjashtimit me karton të kuq edhe të Metuzalem.Pavarësisht se me një lojtar më pak, gialorosët shënuan me anë të Daniele De Rosit për të ngushtuar rezultatin në 3-2 nëntë minuta para fundit të ndeshjes, por shumë shpejt Lazio riktheu epërsinë e dyfishtë me anë të serbit Kolarov.

Category: Futboll