Maldini: Kaka duhet të jetë kapiten i Milanit

Legjenda e Milanit, Paolo Maldini, do t’i japë fund karrierës së tij të gjatë si futbollist aktiv në fund të këtij sezoni, ndërsa ndeshja e fundjavës kundër Romës do të jetë e fundit në stadiumin San Siro para tifozëve të Milanit, me ç’rast pritet t’i bëhet një nderim i madh karrierës fantastike të mbrojtësit italian.
“Aktualisht jam duke përjetuar shumë emocione. Këtë kohë po e shijoj me kënaqësinë më të madhe”. “Shpresoj ta kem fuqinë të shfaq një ndeshje të mirë dhe të fitojmë (kundër Romës), dhe pastaj të festoj me të gjithë ata që më kanë uruar”. “Vjen një moment në jetë kur dikush duhet të marrë më tepër përgjegjësi, dhe Ricardo (Kaka) duket se do të qëndrojë këtu për një kohë të gjatë. Është e natyrshme që ai ka aspirata të bëhet kapiten dhe ai është personi i duhur për t’u bërë”, ka thënë Maldini për “Milan Channel”.

Category: Futboll