Emri i Spallettit në listën e Realit

Përkundër milionave të shpenzuar Real Madridi nuk po shkëlqen, kjo ka bërë që të shfaqen spekulime se Manuel Pellegrini mund të shkarkohet nga posti i trajnerit.
Forzaroma.info njofton se ish-trajneri i Romës, Luciano Spalletti, është njëri nga kandidatët për ta zëvendësuar Pellegrinin nëse Florentino Perez vendos ta shkarkojë atë. Turpërimi i të martës mbrëma prej 4-0 nga skuadra Alcorcon, e cila bën gara në Ligën e tretë të Spanjës ia ka prishur disponimin presidentit Perez, ndërsa trajneri është vendi i parë ku mund të veprojë. Një tjetër emër në Itali krahas Spallettit është edhe ai i ish-trajnerit të Interit, Roberto Mancini.

Category: Futboll