Terry i vetëdijshëm për sulmin e fuqishëm të United

Kapiteni i Chelseat, John Terry, thotë se ai do të duhet të shtrëngojë mirë këpucët e tij sot, për të bllokuar sulmin e shkëlqyeshëm të Manchester United.
Terry është i vetëdijshëm se çfarë mund të bëjnë sulmuesit e United, pasi ka luajtur krahas të dyve, Michael Owen dhe Wayne Rooney në kombëtaren e Anglisë, derisa edhe Dimitar Berbatov është një kundërshtar familjar me futbollin anglez.“Të tre janë të ndryshëm, Owen ka treguar se është kërcënim i madh kur futet në fushë, Berbatov është i shpejtë dhe e mban topin shumë mirë, sikur Didier, dhe Wayne është gjithmonë një kërcënim i vazhdueshëm, ai mund të vrapojë prapa, të shtyhet, të pasojë”, ka thënë Terry për faqen zyrtare të Chelseat.

Category: Futboll