Befasohet Fiorentina, mposhtet Lazio

Viola është mposhtur para tifozëve të vet me rezultat 2-1 nga Bologna, ndërkohë Lazio ka pësuar si mysafir i Atalantas.
Henry Gimenez shënoi golin e parë për Bolognan (28’), ndërsa pa përfunduar pjesa e parë Marco Di Vaio dyfishoi epërsinë.
Krejt çka bënë lojtarët me fanellat vjollce deri në fund të ndeshjes, ishte një gol i shënuar nga Adrian Mutu (51’).
Edhe Lazio ka pësuar humbje, këtë radhë si mysafir i Atalantas në Bergamo, me rezultat 3-0.
Të tre golat e vendasve u shënuan në pjesën e parë, ndërsa realizues ishin Cristiano Doni (5’ dhe 8’) dhe Simone Padoin (35’).

Category: Futboll