E ardhmja e Robinhos vendoset sot

Përfaqësuesit e yllit brazilian Robinho sot do të bisedojnë me drejtuesit e Manchester Cityt për të vendosur të ardhmen e lojtarit.
Nënshkrimi rekord i Ligës Premier u huazua në janar te klubi brazilian Santos, huazim që do të përfundojë në fund të muajit gusht e që do të thotë se ai do të rikthehet te City.
Trajneri i Cityt, Roberto Mancini, e ka bërë të qartë se ai do ta mirëpresë ish-lojtarin e Real Madridit. Por lojtari dëshiron të qëndrojë në Brazil ndërsa City nuk do të marrë parasysh ofertat nën 20 milionë funte.
Agjenti i Robinhos, Evandro de Souza dhe babai i tij Gilvan de Souza pritet të fluturojnë sot në Manchester për të gjetur një zgjidhje.

Category: Futboll