Galliani: Dinho qëndron, nuk ka transferime

Zëvëndëspresidenti i Milanit, Adriano Galliani, i ka thënë shtypit se Ronaldinho do të qëndrojë në San Siro dhe se ai beson se ai mund të qëndrojë edhe më gjatë se që mendohet.
“Ai është lojtar i Milanit, ne nuk do ta shesim, është një hipotezë e cila as që duhej marrë parasysh. Ai kurrë nuk ka kërkuar që të transferohet. Ai do të mbetet te Milani edhe sezonin e ardhshëm dhe pse jo, edhe më gjatë”.
“Tregu i transferimeve është i mbyllur, nuk do të ketë largime, ky është ekipi. Nëse dikush largohet, atëherë dhe do të vie. Nëse largohet ndonjë pjesë e vogël, atëherë duhet pak përforcim, nëse një lojtar i mesëm atëherë i mesëm dhe nëse largohet një kampion atëherë do të transferohet një kampion. Por, mendoj se kjo do të jetë skuadra jonë”, precizoi Galliani.

Category: Futboll