Ferguson i kënaqur me paraqitjen

Menaxheri i Manchester United, Sir Alex Ferguson, ishte i kënaqur me paraqitjen e lojtarëve të tij ndaj Chelseat në Superkupën e Anglisë, por Fergie ishte i irrituar me kalendarin e ngjeshur para sezonit të ri.
“Ne kemi aq shumë lojtarë larg skuadrës për ndeshjet miqësore të përfaqësuesve, por fatmirësisht e kemi ndeshjen e parë ndaj Newcastle të hënën. Nuk mendoj se dikush e kupton se pse na janë nevojitur këto miqësore para fillimit të sezonit, por kemi pasur fat në këtë”.
“Ishte një paraqitje mjaft e mirë ajo dhe jam shumë i kënaqur me lojtarë si Wayne Rooney, Michael Owen dhe Park Ji-Sung të cilët po i kthehen formës më të mirë. Futbolli i aplikuar në disa momente ishte shumë i mirë. Mendoj se e merituam fitoren. Nuk e di nëse Rooney dhe Park janë të gatshëm. Miqësoret e mesjavës janë bonuse për ata, ndërsa Owen nuk besoj se do ta ketë problem ta gjejë veten në stërvitje”, deklaroi Ferguson pas ndeshjes.

Category: Futboll