Giggs: United duhet ta mposhtë Liverpoolin

Mesfushori i Manchester United, Ryan Giggs, thotë se Djajtë e Kuq duhet ta mposhtin Liverpoolin gjatë vikendit, me qëllim që të ringjallin formën e tyre.
United nuk po arrin të nxjerrë rezultate pozitive këtë fillim sezoni, pasi ata barazuan në tre nga katër takimet e fundit, së fundi kundër Rangers në Ligën e Kampionëve.
“Turma do të ndizet. Zakonisht është një ndeshje e shpejtë dhe një ndeshje e egër, atmosfera do të jetë e mrekullueshme këtu dhe të gjithë lojtarët do të jenë të gatshëm”.
“Ju e ndjeni këtë intensitet kur luani me Liverpoolin, pavarësisht se si luajnë ata. Chelsea dhe Arsenali po ashtu janë ndeshje të mëdha, por një derbi lokal kundër Liverpoolit dhe historia në mes dy klubeve e bën këtë shumë të veçantë”, ka thënë Giggs.

Category: Futboll