Mourinho i kënaqur me fitoren

Trajneri i Real Madridit, Jose Mourinho është shprehur i kënaqur me fitoren e mbrëmshme ndaj francezëve të Auxerre.
“Një barazim jashtë shtëpisë është i mirë, por fitorja është e rëndësishme në Ligën e Kampionëve. Ne donim të sigurojmë gjashtë pikë, rrezikuam dhe fituam. Situata jonë është shumë e mirë në një grup shumë të vështirë”, ka thënë Mourinho pas fitores së mbrëmshme.
Klubi spanjoll ka investuar shumë këtë verë me qëllim që të jetë konkurrues edhe në La Liga e edhe në Ligën e Kampionëve, ku ka dështuar të ketë sukses në vitet e fundit. Dhe ishte pikërisht përforcimi i verës, Angel Di Maria, ai i cili siguroi fitoren e mbrëmshme për Realin.
Real Madridi herën e fundit fitoi Ligën e Kampionëve në vitin 2002 kur goditja e famshme e Zinedine Zidane i dha fitoren gjigantit spanjoll në finalen kundër Bayer Leverkusen në Hampden Park, Glasgow.

Category: Futboll