Henry: Nuk e kemi blerë lirë Liverpoolin

Pronari i ri i Liverpoolit, John Henry, ka thënë se çmimi i blerjes së klubit nga Anfield nuk është i lirë, pasi që ai dëshiron të ndërtojë një skuadër kompetitive.
“Dikush mund të thotë se e kemi blerë klubin me çmim të lirë, por ne punojmë në bazë të fitimeve. Ne dëshirojmë të bëjmë një skuadër fituese. Shikojeni klubi tim të futbollit amerikan Red Sox, që ishte shumë prapa Yankees para se ta blija unë. Me ardhjen time në krye, unë e bëra Red Sox rivalin kryesor me Yankees edhe pse këta të fundit kanë më shumë fitime”.
“Unë nuk kam prapashtesën ‘Sheikh’ në emrin tim, por unë e di se Liverpoolin mund ta bëj klubin më të fortë në botë dhe këtë do ta arrij, pasi që kam dashur të jem pjesëmarrës në këtë nivel”, deklaroi Henry.

Category: Futboll