Transferimi i Fabregas te Barca, jo i garantuar

Drejtori i Barcelonës, Andoni Zubizarreta, ka thënë se ai nuk ka biseduar me Arsene Wengerin për një garanci të transferimit të Cesc Fabregas te Barcelona sezonin e ardhshëm.
“Unë nuk kam biseduar me Wengerin për një garanci të transferimit të Fabregasit sezonin e ardhshëm. Cesc është futbollist shumë i mirë, por tani unë nuk them nëse ai është në planet tona për sezonin e ardhshëm”, theksoi Zubizarreta.
Kjo deklaratë e Zubizarretas pritet të zgjojë reagime të shumta në qarqet Blaugrane, pasi që siç duket kryesia e re me në krye Sandro Rosell, nuk është në disponim të paguajë 40 milionë funte për ta kthyer Fabregasin aty ku e ka vendin, në Barcelonë.

Category: Futboll