Ancelotti: Vetëm Liverpooli luajti si ekip

Menaxheri i Chelseat, Carlo Ancelotti, ka kritikuar lojtarët e tij pas humbjes në Liverpool.
Me emra të mëdhenj si Frank Lampard dhe Michael Essien jashtë fushe, dhe me Didier Drogba në stol për shkak të etheve, Chelsea u mposht me rezultat 2-0 në Anfield.
“Të gjithë lojtarët e tyre luajtën për ekipin dhe, për këtë arsye, ata e merituan fitoren. Por ne nuk luajtëm mirë. Ne nuk luajtëm mjaft shpejt në pjesën e parë. Na u desh shumë kohë për ta ndërtuar lojën dhe nuk kemi pasur shanse të gjejmë hapësira në gjysmën e kundërshtarit”.
“Ishte vështirë të rikthehemi, por ishte më mirë në pjesën e dytë, kur luajtëm me intensitet më të lartë. Megjithatë, nuk ndodhi”, ka thënë Ancelotti.

Category: Futboll