Mourinho: Ndaj Atleticos, thjeshtë një ndeshje tjetër

Atmosfera e derbit mes Real Madridit dhe Atletico Madridit ka pësuar një ‘goditje’ nga Jose Mourinho, i cili e quajti derbin madrilen si një ndeshje tjetër për Los Blancos, asgjë më shumë.
“Nuk është test për ne, është vetëm një ndeshje tjetër”, theksoi Mourinho për Marca, i cili shtoi se do të vë në fushë përbërjen më të fortë të Realit, ndërsa është shprehur i brengosur për formën e lartë të portierit të Atleticos, David De Gea.
“Atletico ka një portier të ri, i cili fatkeqësisht për mua, është sikurse Iker Casillas. Ekipet e mia nuk luajnë për t’i fituar derbit, por luajnë për të fituar tituj, ndërsa të fitosh një titull të nevojiten pikët të cilat duhet t’i marrësh edhe nëpër këto ndeshje”, përfundoi ‘I Veçanti’.

Category: Futboll