UEFA edhe zyrtarisht heton Realin

UEFA ka konfirmuar në faqen zyrtare se do të hapë dosje disiplinore ndaj Real Madridit për sjellje jo të mirë të lojtarëve në ndeshjen e Ligës së Kampionëve ndaj Ajaxit të martën.
Bëhet fjalë për dy kartonët e kuq të marrë nga Xabi Alonso dhe Sergio Ramos në minutat përfundimtare të sfidës, kjo me arsye për zvarritje të lojës pranë rezultatit 4-0. Mendohet se lojtarët e Realit e bënë këtë pasi u urdhëruan nga trajneri Mourinho për të shmangur mungesën në fazën e eliminimit direkt.
Lojtarët e përfshirë në këtë incident e mohojnë gabimin, por ka mjaft raste nga e kaluara ku janë dënuar lojtarë të cilët morën qëllimisht kartonë të verdhë për të qenë të pastër për fazën e eliminimit direkt.

Category: Futboll