Pato: Cassano luan si brazilian

Alexandre Pato është i ngazëllyer nga mundësia që ta ketë Antonio Cassanon bashkë-lojtar te Milani.
Transferimi i Cassanos nga Sampdoria është çështje orësh, ndërsa Pato është i lumtur që do të mund të luajë në krah të italianit.
"Ai është një lojtar i shkëlqyeshëm i cili do të na japë një ndihmë të madhe për të fituar. Së bashku ne do të kënaqemi dhe do t´ia dalim mirë. Jam i lumtur për ardhjen e tij, është sikur të kemi një brazilian tjetër në ekip".
"Arritja e tij do të thotë edhe largim i Ronaldinho? E shoh atë të qetë dhe kurrë nuk kam dëgjuar ankesa nga ai. Unë dua ai të qëndrojë dhe jam i sigurt se ai dëshiron. Ne thjesht kemi respekt për zgjidhjet e trajnerit tonë", ka thënë Pato.

Category: Futboll