Zyrtare: Guardiola nënshkruan kontratën e re

Pep Guardiola dhe Sandro Rossell kanë nënshkruar sot marrëveshjen e re e cila e mban menaxherin e Barcelonës në Camp Nou deri më 30 qershor të vitit 2012.
Presidenti i ri i klubit ishte i paepur t’i ofronte Guardiolës një kontratë afatgjate, por strategu spanjoll si edhe herën e kaluar, edhe këtë herë u pajtua ta vazhdojë atë vetëm për një vit.
Guardiola është nën drejtim të Barcelonës për tashmë dy vite e gjysmë, gjatë të cilës periudhë katalanasit kanë fituar tetë tituj. Ky sukses u arrit falë një loje atraktive e cila ka bërë që sipas shumëkujt ky ekip të quhet edhe më i mirë në historinë e futbollit.
Ndërkohë, e përditshmja sportive spanjolle Sport, shkruan se Guardiola ka refuzuar një ofertë në vlerën e 22 milionë eurove në vit nga Katari për të drejtuar kombëtaren e këtij vendi.

Category: Futboll