Butragueno: Sfida ndaj Tottenham, fantastike

Sulmuesi legjendar i Real Madridit, Emilio Butragueno, mezi e pret sfidën çerekfinale ndaj Tottenhamit, ndërsa shpreh brenga për fuqinë e londinezëve në fazën ofensive.
“Ne jemi shumë të kënaqur sepse sezonet e kaluara nuk kemi arritur kualifikimin në këtë fazë. Kjo garë është më prestigjioze në Evropë. Pritet të jetë ndeshje fantastike”.
“Tottenhami ka shumë lojtarë të mëdhenj, të mirë në sulm dhe shumë konkurrues. Jam i sigurtë se do të jetë tejet e vështirë për ne. Shpresoj se ekipi ynë do t’ia dalë të fitojë”, deklaroi Butragueno.

Category: Futboll