Drogba dëshiron të shmangë Barcelonën

Didier Drogba ka në mendje tre ekipe të cilat nuk dëshiron t’i ketë përballë, në prag të shortit të sotëm për sfidat çerekfinale të Ligës së Kampionëve.
Ai dëshiron të shmangë dy ekipet rivale angleze, Manchester United dhe Tottenham, si dhe Barcelonën.
“Është vështirë të shkosh në një ndeshje të Ligës së Kampionëve kur e di se po shkon në një stadium ku shkoni për ndeshje normale të ligës. Në të njëjtën kohë, ne kemi luajtur ndaj Barcelonës aq shumë herë në të kaluarën”.
“Që Anglia të ketë më shumë shanse në këtë garë, do të ishte mirë të kemi një ekip tjetër dhe jo një anglez. Por nëse duhet, do ta bëjmë këtë. Ata janë ekipe të mëdha, andaj do të shohim çfarë do të nxjerrim. Vetëm dua të luaj në çerekfinale dhe të bëj gjithçka për të vazhduar më tej”, ka thënë Drogba.

Category: Futboll